DMT : ਲੁਧਿਆਣਾ : (13 ਮਾਰਚ 2023) : – ਲੁਧਿਆਣਾ ਤੋਂ ਆਮ ਆਦਮੀ ਪਾਰਟੀ (ਆਪ) ਦੇ ਸੰਸਦ ਮੈਂਬਰ (ਰਾਜ ਸਭਾ) ਸੰਜੀਵ ਅਰੋੜਾ ਨੇ ਦੋ ਆਸਕਰ ਜਿੱਤ ਕੇ ਭਾਰਤ ਦਾ ਇਤਿਹਾਸ ਰਚਣ ‘ਤੇ ਬਹੁਤ ਹੀ ਉਤਸ਼ਾਹ ਅਤੇ ਗਰਮਜੋਸ਼ੀ ਨਾਲ ਪ੍ਰਤੀਕਿਰਿਆ ਦਿੱਤੀ ਹੈ।
ਅੱਜ ਇੱਥੇ ਇੱਕ ਬਿਆਨ ਵਿੱਚ, ਉਨ੍ਹਾਂ ਕਿਹਾ ਕਿ ਉਹ ਇੱਕ ਭਾਰਤੀ ਹੋਣ ‘ਤੇ ਮਾਣ ਮਹਿਸੂਸ ਕਰ ਰਹੇ ਹਨ ਕਿਉਂਕਿ ਫਿਲਮ ਆਰਆਰਆਰ ਦੇ ਗੀਤ ਨਾਟੂ-ਨਾਟੂ ਨੇ “ਬੈਸਟ ਓਰੀਜਨਲ ਸੋਂਗ ਅਵਾਰਡ” ਜਿੱਤਿਆ ਹੈ ਅਤੇ ਦ ਐਲੀਫੈਂਟ ਵਿਸਪਰਸ ਨੇ “ਬੈਸਟ ਡਾਕੂਮੈਂਟਰੀ ਸ਼ੋਰਟ ਫਿਲਮ” ਦਾ ਇਨਾਮ ਜਿੱਤਿਆ ਹੈ।
ਉਨ੍ਹਾਂ ਕਿਹਾ, ”ਇਹ ਪੁਰਸਕਾਰ ਭਾਰਤੀ ਪ੍ਰਤਿਭਾ ਲਈ ਬਹੁਤ ਵੱਡਾ ਸਨਮਾਨ ਹਨ। ਉਨ੍ਹਾਂ ਕਿਹਾ ਕਿ ਇਹ 95ਵੇਂ ਅਕੈਡਮੀ ਅਵਾਰਡਜ਼ ਵਿੱਚ ‘ਦ ਐਲੀਫੈਂਟ ਵਿਸਪਰਸ’ ਲਈ ਇੱਕ ਚੰਗੀ ਜਿੱਤ ਹੈ ਅਤੇ ਪ੍ਰਤਿਭਾਸ਼ਾਲੀ ਟੀਮ ਨੂੰ ਇੱਕ ਸ਼ਕਤੀਸ਼ਾਲੀ ਡਾਕੂਮੈਂਟਰੀ ਬਣਾਉਣ ਲਈ ਵਧਾਈ ਦਿੱਤੀ। ਉਨ੍ਹਾਂ ਕਿਹਾ ਕਿ ਡਾਕੂਮੈਂਟਰੀ ਮਨੁੱਖਾਂ ਅਤੇ ਜਾਨਵਰਾਂ ਵਿਚਕਾਰ ਵਿਸ਼ੇਸ਼ ਬੰਧਨ ਨੂੰ ਉਜਾਗਰ ਕਰਦੀ ਹੈ ਜਿਸ ਵਿਚ ਸੰਭਾਲ ਦੇ ਯਤਨਾਂ ਦੀ ਅਹਿਮ ਲੋੜ ਨੂੰ ਉਜਾਗਰ ਕੀਤਾ ਗਿਆ ਹੈ।
ਅਰੋੜਾ ਨੇ ਆਰਆਰਆਰ ਫਿਲਮ ਦੀ ਟੀਮ ਨੂੰ ਅਕੈਡਮੀ ਅਵਾਰਡਜ਼ ਜਿੱਤਣ ‘ਤੇ ਵਧਾਈ ਦਿੱਤੀ ਅਤੇ ਇਸ ਨੂੰ ਭਾਰਤ ਲਈ ‘ਮਾਣ ਵਾਲਾ ਪਲ’ ਕਰਾਰ ਦਿੱਤਾ। ਅਰੋੜਾ ਨੇ ਕਿਹਾ, “ਇਹ ਭਾਰਤੀ ਸੰਗੀਤ ਅਤੇ ਸਿਨੇਮਾ ਲਈ ਇੱਕ ਵੱਡੀ ਜਿੱਤ ਹੈ।”
ਉਨ੍ਹਾਂ ਕਿਹਾ, “ਇਹ ਹਰ ਭਾਰਤੀ ਲਈ ਜਸ਼ਨ ਮਨਾਉਣ ਦਾ ਸਮਾਂ ਹੈ।”
ਅਰੋੜਾ ਨੇ ਇਸ ਤੋਂ ਪਹਿਲਾਂ ਆਸਕਰ ਜਿੱਤਣ ਵਾਲੇ ਭਾਰਤੀਆਂ ਦੇ ਨਾਂ ਵੀ ਯਾਦ ਕੀਤੇ। ਇਹ ਨਾਂ ਇਸ ਪ੍ਰਕਾਰ ਹਨ: ਭਾਨੂ ਅਥਈਆ – ਬੈਸਟ ਕਾਸਟਿਊਮ ਡਿਜ਼ਾਈਨ (1983); ਸਤਿਆਜੀਤ ਰੇ – ਆਨਰੇਰੀ ਅਵਾਰਡ (1992); ਰੇਸੁਲ ਪੁਕੁੱਟੀ – ਬੈਸਟ ਸਾਉੰਡ ਮਿਕਸਿੰਗ (2009); ਗੁਲਜ਼ਾਰ – ਬੈਸਟ ਓਰੀਜਨਲ ਸੋਂਗ (2009); ਅਤੇ ਏ ਆਰ ਰਹਿਮਾਨ – ਬੈਸਟ ਓਰੀਜਨਲ ਸਕੋਰ ਅਤੇ ਓਰੀਜਨਲ ਸੋਂਗ (2009)।
